मार्मिक महाराष्ट्र न्यूज नेटवर्क / संतोष अवचार :-
हिंगोली – सोशल मीडियावर आक्षेपार्य पोस्ट करणाऱ्या एकूण 13 सोशल मीडिया वापरकर्त्यांवर फौजदारी प्रक्रिया संहितेच्या कलम 149 अन्वये नोटीस देऊन त्यांचे सोशल मीडिया पेज व अकाउंट बंद करण्याची प्रक्रिया करण्यात आली. ही कारवाई हिंगोली चे डॅशिंग पोलिस अधीक्षक जी श्रीधर यांच्या मार्गदर्शनाखाली सायबर सेल विभागाने केली.
हिंगोलीचे डॅशिंग पोलिस अधीक्षक जी. श्रीधर यांनी हिंगोली जिल्ह्यातील सामाजिक शांतता व जातीय सलोखा टिकून राहावा तसेच सोशल मीडियाचा वापर करून त्यात बाधा येऊ नये त्यास प्रतिबंध व्हावा त्याचप्रमाणे सायबर गुन्हेगारीवर आळा बसावा म्हणून पोलीस अधीक्षक कार्यालय येथील सायबर सेल विभागास विशेष सूचना व मार्गदर्शन करून कार्यरत केले आहे.
सदर अप्पर पोलीस अधीक्षक अर्चना पाटील यांच्या नेतृत्वात सहाय्यक पोलीस निरीक्षक शिवसांब घेवारे, पोलीस अंमलदार गजानन पवार, प्रमोद थोरात, जयप्रकाश झाडे, दत्ता नागरे, रोहित मुदीराज, इरफान पठाण, दीपक पाटील यांची नेमणूक करण्यात आली आहे.
या पथकाने 16 ते 23 जानेवारी यादरम्यान आक्षेपार्य पोस्ट करणाऱ्या बारा इंस्टाग्राम व एक फेसबुक अशा एकूण 13 वापरकर्त्यावर प्रतिबंध करण्यासाठी फौजदारी प्रक्रिया संहितेच्या कलम 149 अन्वये नोटीस देऊन सोशल मीडिया पेज अकाउंट बंद करण्याची प्रक्रिया करण्यात आली.
अशा प्रकारे जाती – धर्मात तेढ निर्माण करणारे तसेच अफवा पसरवून सार्वजनिक शांतता भंग करणाऱ्या इसमावर माहिती तंत्रज्ञान कायद्यान्वये व भारतीय दंड संहिता अन्वये गुन्हा नोंद करण्याची प्रक्रिया सुरू आहे असे कृत्य करणाऱ्यांची जलवारी अटळ असल्याचे जिल्हा पोलीस अधीक्षक जी. श्रीधर यांनी सांगितले.
