मार्मिक महाराष्ट्र न्यूज नेटवर्क / संतोष अवचार :-
हिंगोली – येथील डॅशिंग पोलिस अधीक्षक जी. श्रीधर यांनी हमालवाडी येथील पाच सराईत गुन्हेगारांना दोन वर्षासाठी हिंगोली जिल्ह्यातून हद्दपार केले आहे.
हिंगोली चे डॅशिंग पोलिस अधीक्षक जी. श्रीधर यांनी हिंगोली जिल्ह्यातील सराईत गुन्हेगार व अवैध धंदे चालविणाऱ्या विरुद्ध तसेच टोळीने गुन्हेगारी कृत्य करणाऱ्या विरुद्ध कठोर कार्यवाहीची भूमिका घेत असे गुन्हे सराईत करणाऱ्या विरुद्ध प्रभावी प्रतिबंध व कार्यवाही करत आहेत.
जिल्हा पोलीस अधीक्षक यांनी आज हिंगोली पोलीस ठाणे हद्दीत राहणारे सराईत गुन्हेगार शेख अफरोज शेख गैबू (वय 32 वर्ष), शेख मोसिन शेख गैबू (वय 25 वर्ष), शेख शब्बीर शेख चांद (48 वर्ष), शेख अजिस शेख चांद (वय 57 वर्ष), शेख वसीम शेख अजिस (वय 24 वर्षे) सर्व रा. हमालवाडी ता. जि. हिंगोली यांच्या विरुद्ध हिंगोली शहर पोलीस ठाण्यात शरीराविरुद्धचे तीन गुन्हे दाखल असून ते सतत संघटितपणे गुन्हे करतच होते.
त्यांच्या वर्तनात कोणताही बदल होत नसल्याने तसेच त्यांच्या अशा गुन्हेगारी प्रवृत्ती व हालचालीमुळे परिसरातील ग्रामस्थांच्या जीवितास धोका उत्पन्न होत असल्याने पोलीस अधीक्षक हिंगोली सदर प्रकरणी कठोर प्रतिबंधक कार्यवाही बाबत आदेश दिले होते.
यावरून हिंगोली शहर पोलीस ठाण्याचे पोलीस उपनिरीक्षक एम. ई. जिव्हारे यांनी नमूद आरोग्यविरुद्ध कलम 55 महाराष्ट्र पोलीस कायदा अन्वये हद्दपारचा प्रस्ताव सादर केला होता.
सदर प्रस्तावाची चौकशी उपविभागीय पोलिस अधिकारी उपविभाग वसमत किशोर कांबळे यांनी सविस्तर चौकशी करून नमूद आरोपींच्या टोळीस हिंगोली जिल्ह्यातून हद्दपार करण्याबाबत पोलीस अधीक्षक हिंगोली यांच्याकडे शिफारस केली.
यावरून नमूद प्रकरणी सविस्तर तपासणी करून हिंगोली चे डॅशिंग पोलिस अधीक्षक जी. श्रीधर यांनी त्यांना प्राप्त महाराष्ट्र पोलीस अधिनियम कलम 55 अन्वये नमूद पाच आरोपींना आज पासून पुढील दोन वर्षासाठी हिंगोली जिल्ह्यातून हद्दपार केल्याबाबत आदेश काढले आहेत.
हिंगोली चे डॅशिंग पोलिस अधीक्षक जी. श्रीधर हे समाजात शांतता नांदावी म्हणून सराईत गुन्हेगारांची माहिती घेऊन त्यांच्याबाबत कोंबिंग व अलाउट ऑपरेशन मधून त्यांची नियमित तपासणी तसेच त्यांच्या बाबत कठोर प्रतिबंध कार्यवाही करत आहेत.
