मार्मिक महाराष्ट्र न्यूज नेटवर्क / प्रतिनिधी :-
हिंगोली – शिक्षण विभागाच्या निषेधार्थ विराज राष्ट्रीय लोकमंच कौन्सिलच्या वतीने 18 ऑगस्ट रोजी शासनाला बांगड्यांचा आहेर करण्यात येणार आहे.
माहिती अधिकार अधिनियम 2005 व दप्तर दिरंगाई कायदा 2006 चे सर्रासपणे उलंघन करून कर्तव्यात कसूर करत अनेक अनियमित कामे करून मोठया प्रमाणावर भ्रष्ट्राचाराद्वारे चल – अचल संपत्ती जमा करून शासनाचा कोट्यावधीच्या निधीचा नुकसान करणारे मुजोर प्रवृत्तीचे शिक्षण अधिकारी (प्रा.मा.) संदिपकुमार सोनटक्के, कंत्राटी कर्मचारीसह तालुका स्तरावरील शिक्षण विभागाचे दोषी अधिकारी कर्मचारी व इतरांना तात्काळ निलंबित करून विभागीय चौकशी सुरु करावी आणि त्यांच्या चल – अचल संपत्तीची उच्च स्तरारीय चौकशी करावी अश्या मागणीचे निवेदन देऊनही शासन व प्रशासनाद्वारे आजपर्यंत कोणतीही ठोस कार्यवाही करण्यात आली नाही. त्याचा निषेध म्हणून विराट राष्ट्रीय लोकमंच कौन्सिल च्या वतीने उद्या दि.18 ऑगस्ट 2022 रोजी जिल्हा प्रशासनामार्फत तसेच ई-मेल,रजिस्टर पोस्ट द्वारे मा.मुख्यमंत्री महोदय, शिक्षण मंत्री महोदय, अपर मुख्य सचिव (शिक्षण), प्रधान सचिव शिक्षण,आयुक्त शिक्षण,संचालक शिक्षण, विभागीय शिक्षण उपसंचालक, औरंगाबाद जिल्हा परिषद प्रशासन व ईतरांना बांगडयाचे आहेर देऊन निषेध नोंदविण्यात येणार आहे.
या नंतर हि कार्यवाही न झाल्यास अधिक तीव्र आंदोलन करण्यात येईल याची सर्वस्वी जवाबदारी शासन व प्रशासनाची राहील याची नोंद घ्यावी असा इशारा विराट राष्ट्रीय लोकमंच कौन्सिलच्या वतीने संस्थापक अध्यक्ष शेख नईम शेख लाल यांनी शासनाला दिला आहे.
