मार्मिक महाराष्ट्र न्यूज नेटवर्क / संतोष अवचार :-
हिंगोली – जिल्ह्यातील बेकायदेशीर व अवैध कत्तलखाने तसेच मांस विक्री कायमस्वरूपी बंद करावी असे आदेश जिल्ह्यातील सर्व उपविभागीय दंडाधिकारी, हिंगोली नगरपरिषद मुख्याधिकारी यांना जिल्हा दंडाधिकारी जितेंद्र पापळकर यांनी दिले आहेत.
श्रावण वद्य 12 मंगळवार, दि. 12 सप्टेंबर, 2023 रोजी भाद्रपद शुक्ल 4 मंगळवार, दि. 19 सप्टेंबर, 2023 रोजी हिंगोली जिल्हाअंतर्गत येणाऱ्या सर्व ग्रामपंचायत, नगर परिषद हद्दीतील सर्व कत्तलखाने आणि मांस विक्री व साठवणूक केंद्र बंद ठेवण्यासाठी योग्य ते समुचित उपाययोजना करण्यात याव्यात.
तसेच आपल्या अखत्यारित असलेल्या परिक्षेत्रात सुरु असलेले बेकायदेशीर व अवैध कत्तलखाने आणि मांस विक्री, साठवणूक केंद्र कायम स्वरुपी बंद करण्यात यावेत, असे आदेश जिल्हादंडाधिकारी जितेंद्र पापळकर यांनी पोलीस अधीक्षक, सर्व उपविभागीय दंडाधिकारी, मुख्याधिकारी नगर परिषद हिंगोली यांना दिले आहेत.
