मार्मिक महाराष्ट्र न्यूज नेटवर्क / संतोष अवचार :-
हिंगोली – जिल्ह्याचे पोलीस अधीक्षक श्री.जी. श्रीधर यांनी हिंगोली जिल्ह्याचा पदभार स्वीकारताच जिल्ह्यातील सराईत गुन्हेगार व अवैध धंदे चालविणाऱ्या विरुद्ध कठोर कार्यवाहीची भूमिका घेऊन असे गुन्हे सतत करणाऱ्या विरुद्ध प्रभावी प्रतिबंधक कार्यवाही केली जात आहे.
यानुसार मागील अनेक वर्षांपासून संदीप गोविंद पवार (वय 32 वर्ष रा. येळेगाव तुकाराम ता. कळमनुरी जि. हिंगोली) हा परिसरात सतत गावठी हातभट्टी दारूची निर्मिती व विक्री करणे तसेच त्याच्यावर यापूर्वी आखाडा बाळापूर पोलीस ठाणे येथे दारूचे दहापेक्षा अधिक गुन्हे दाखल असून पोलिसांनी वेळोवेळी कार्यवाही करून तसेच महाराष्ट्र पोलीस कायदा कलम 93 अन्वये दोन वेळेस प्रतिबंधक कार्यवाही वयापूर्वी एका वेळेस कलम 56 महाराष्ट्र दारूबंदी कायदा अन्वये हद्दपारचा प्रस्ताव पाठविण्यात आला होता.
त्यानंतरही सदरील इसम याच्या कृत्यात कुठलाही बदल दिसून येत नसून परत तो मानवी शरीरास हानिकारक असे इथाईल अल्कोहोलचे मिश्रण असलेले हातभट्टी दारूची निर्मिती व विक्री करित आहे. त्याच्यावर पोलीस व कार्यकारी दंडाधिकारी यांच्याकडून केले गेलेल्या प्रतिबंधक कार्यवाहीस तो जुमानत नसून गावठी हातभट्टी दारू विक्री करणे सारखे गुन्हे परत परत करत होता. असे गुन्हे करणाऱ्या सराहीत हातभट्टी वाले बनलेले आहेत.
यासाठी या प्रकरणी सहाय्यक पोलीस निरीक्षक आखाडा बाळापूर यांनी नमूद इसमाविरुद्ध महाराष्ट्र झोपडपट्टी हातभट्टी वाले, औषधीद्रव्य विषयक गुन्हेगार, धोकादायक व्यक्ती, दृकश्राव्य, कालवकृतीचे विनापरवाना प्रदर्शन करणाऱ्या व्यक्ती, वाळू तस्कर आणि अत्यावश्यक वस्तूंचा काळाबाजार करणाऱ्या व्यक्ती ह्यांच्या विघातक कृत्यांना आळा घालण्याबाबतचा अधिनियम 1981 (एम. पी. डी. ए.) अंतर्गत कार्यवाही बाबत प्रस्ताव सादर केला होता.
सदर प्रस्तावाची तपासणी उपविभागीय पोलीस अधिकारी उपविभाग वसमत किशोर कांबळे यांनी करून प्रस्ताव जिल्हा पोलीस अधीक्षक श्री.जी. श्रीधर यांनी सदरचा प्रस्ताव जिल्हाधिकारी हिंगोली यांच्याकडे पाठविला होता.
जिल्हाधिकारी जितेंद्र पापळकर यांनी सदर प्रस्तावाची संपूर्ण सविस्तर पडताळणी करून नमूद इसम नामे संदीप गोविंद पवार (वय 32 वर्ष रा. येळेगाव तु. ता. कळमनुरी जि. हिंगोली) हा एक सवयीचा हातभट्टी वाला म्हणून सिद्ध करून सार्वजनिक सुव्यवस्थेस बाधक ठरेल अशा प्रकारची कृत्य करीत आहे व तो एमपीडीए कायद्यानुसार हातभट्टी वाला बनला आहे म्हणून त्या कायदा 1981 अन्वय एका वर्षासाठी स्थानबद्धतेचे आदेश निर्गमित केले आहेत.
