मार्मिक महाराष्ट्र न्यूज नेटवर्क / संतोष अवचार :-
हिंगोली – जिल्ह्याचे डॅशिंग पोलीस अधीक्षक जी. श्रीधर यांनी हिंगोली जिल्ह्याचा पदभार स्वीकारताच सतत गुन्हे करणाऱ्या सराईत गुन्हेगारांवर कठोर कार्यवाही केली जात आहे. अशा आरोपींना जिल्ह्यातून हद्दपार केले जात असून हद्दपारची कार्यवाही प्रभावीपणे राबविली जात आहे. 14 डिसेंबर रोजी अशा प्रवृत्तीच्या एकूण चार गुन्हेगारांना जिल्हा पोलीस अधीक्षक यांनी दोन वर्षासाठी हद्दपार केले आहे.
हिंगोलीचे डॅशिंग पोलीस अधीक्षक जी. श्रीधर यांनी जिल्ह्याचा पदभार स्वीकारताच सतत गुन्हे करणाऱ्या सराईत गुन्हेगारांवर प्रतिबंध करण्यासाठी जिल्ह्यातील सराईत गुन्हेगार व अवैध धंद्या चालविणाऱ्या विरुद्ध तसेच टोळीने गुन्हेगारी कृत्य करणाऱ्या विरुद्ध कठोर कार्यवाहीची भूमिका असे गुन्हे सतत करणाऱ्या विरुद्ध प्रभावी प्रतिबंधक कार्यवाही केली जात आहे.
पोलीस अधीक्षक जी श्रीधर यांनी हिंगोली शहर पोलीस ठाणे अंतर्गत वंजारवाडा येथे राहणारे सराईत गुन्हेगार अमोल कुंडलिकराव बांगर (वय 28 वर्ष) व लक्ष्मण सुभाष बांगर (वय 22 वर्ष) दोन्ही रा. वंजारवाडा हिंगोली ता. जि. हिंगोली यांच्या विरुद्ध हिंगोली शहर पोलीस ठाण्यात मालाविरुद्धचे पाच गुन्हे दाखल असून सतत संघटितपणे गुन्हे करतच आहेत.
त्यांच्या वर्तनात कोणताही बदल होत नसल्याने व त्यांच्या अशा गुन्हेगारी प्रवृत्ती व हालचालीमुळे परिसरातील नागरिकांच्या मालमत्तेस धोका उत्पन्न होत असल्याने जिल्हा पोलीस अधीक्षक यांनी सदर प्रकरणी कठोर प्रतिबंध कार्यवाही बाबत आदेश दिल्यावरून हिंगोली शहर पोलीस ठाण्याचे पोलीस उपनिरीक्षक एम ए जिव्हारे यांनी नमूद आरोपीतांविरुद्ध कलम 55 महाराष्ट्र पोलीस कायदा अन्वये हद्दपारचा प्रस्ताव सादर केला होता.
सदर प्रस्तावाची चौकशी उपविभागीय पोलीस अधिकारी उपविभाग हिंगोली ग्रामीणचे विवेकानंद वाखारे यांनी सविस्तर चौकशी करून नमूद आरोपींच्या टोळीस हिंगोली जिल्ह्यातून हद्दपार करण्याबाबत जिल्हा पोलीस अधीक्षक यांच्याकडे शिफारस केली होती.
याप्रकरणी सविस्तर तपासणी करून पोलीस अधीक्षक जी. श्रीधर यांनी त्यांना प्राप्त महाराष्ट्र पोलीस अधिनियम कलम 55 नमूद दोन्ही आरोपींना पुढील दोन वर्षासाठी हिंगोली जिल्ह्यातून हद्दपार केल्या बाबत आदेश काढले आहेत.
तसेच जिल्हा पोलीस अधीक्षक जी. श्रीधर यांनी हट्टा पोलीस ठाणे हद्दीतील जवळा खुर्द गावातील राहणारे सराईत गुन्हेगार चांदू उत्तमराव डाढाळे (वय 24 वर्ष), नागनाथ उत्तमराव डाढाळे (वय 21 वर्षे) दोन्ही राहणार जवळा खुर्द तालुका वसमत जिल्हा हिंगोली यांच्या विरुद्ध हट्टा पोलीस ठाणे येथे शरीराविरुद्ध व माला विरुद्ध सात गुन्हे दाखल आहेत.
हे दोन्ही गुन्हेगार सतत संघटितपणे गुन्हे करतच आहेत त्यांच्या वर्तनात कोणताही बदल होत नसल्याने व त्यांच्या अशा गुन्हेगारी प्रवृत्ती व हालचालीमुळे परिसरातील ग्रामस्थांच्या जीवित व मालमत्तेस धोका उत्पन्न होत असल्याने पोलीस अधीक्षक यांनी सदर प्रकरणी कठोर प्रतिबंध कार्यवाही बाबत आदेश दिले होते.
यावरून हट्टा पोलीस ठाण्यातील सहाय्यक पोलीस निरीक्षक जी.ए. बोराटे यांनी नमूद आरोपीं विरुद्ध कलम 55 महाराष्ट्र पोलीस कायदा अन्वये हद्दपारचा प्रस्ताव सादर केला होता.
सदर प्रस्तावाची चौकशी उपविभागीय पोलीस अधिकारी उपविभाग हिंगोली ग्रामीण विवेकानंद वाखारे यांनी सविस्तर चौकशी करून आरोपींच्या टोळीस हिंगोली जिल्ह्यातून हद्दपार करण्याबाबत जिल्हा पोलीस अधीक्षक यांच्याकडे शिफारस केली.
यावरून नमूद प्रकरणी सविस्तर तपासणी करून पोलीस अधीक्षक जी. श्रीधर यांनी त्यांना प्राप्त महाराष्ट्र पोलीस अधिनियम कलम 55 अन्वये नमूद दोन्ही आरोपींना पुढील दोन वर्षासाठी हिंगोली जिल्ह्यातून हद्दपार केल्या बाबत आदेश काढले आहेत.
हिंगोलीचे डॅशिंग पोलीस अधीक्षक जी. श्रीधर यांनी समाजात शांतता नांदावी म्हणून सराईत गुन्हेगारांची माहिती घेऊन त्यांच्याबाबत कोंबिंग व ऑल आऊट ऑपरेशन मधून त्यांची नियमित तपासणी तसेच त्यांच्या बाबत कठोर प्रतिबंधक कार्यवाही करत आहेत.
