मार्मिक महाराष्ट्र न्यूज नेटवर्क / मनोज जयस्वाल :-
औंढा नागनाथ – बारा ज्योतिर्लिंगांपैकी एक असलेल्या औंढा नागनाथ मंदिर परिसरात हिंगोली पोलिसांनी मॉक ड्रिल घेतली. यामध्ये पोलिसांनी मंदिर परिसरात लपून बसलेले दोन डमी अतिरेकी यांना ताब्यात घेतले.
11 ऑगस्ट रोजी पोलीस अधीक्षक जी. श्रीधर, अप्पर पोलीस अधीक्षक हिंगोली अर्चना पाटील यांच्या मार्गदर्शनात औंढा नागनाथ मंदिर परिसरात दहशतवादी हल्याप्रसंगी अनुसरावयाची कार्यपद्धती याची रंगीत तालीम ( mock drill ) घेण्यात आली…
सदर रंगीत तालीम मध्ये ( डमी अतिरेकी ) 02 इसम हे मंदिर परिसरात लपून बसले होते.. त्यांना पोलीस रेस्क्यू टिमनी सर्व उपाय योजना करून ( action ) ताब्यात घेतले…
सदर रंगीत तालीम नंतर BDDS पथकाकडुन मंदिर परिसराची सुरक्षेच्या दृष्टीने सविस्तर तपासणी केली गेली.
सदर रंगीत तालीम मध्ये उपविभागीय पोलीस अधिकारी प्रशांत देशपांडे, पोलीस निरीक्षक बाळकृष्ण मळघणे, पोलीस निरीक्षक गणेश राहिरे, सहाय्यक पोलीस निरीक्षक राजेश मलपिलु, पोलीस उपनिरीक्षक किशोर पोटे, मुलतकर, दहशतवाद विरोधी शाखा हिंगोली, दहशतवाद विरोधी पथक नांदेड, BDDS पथक, QRT, RCP पथक व पोलीस स्टेशन औंढा नागनाथ येथील पोलीस अंमलदार यांनी सहभाग घेतला होता.
