मार्मिक महाराष्ट्र न्यूज नेटवर्क / संतोष अवचार :-
हिंगोली – येथील जिल्हा पोलीस अधीक्षक जी. श्रीधर यांच्या संकल्पनेतून जिल्हा पोलीस दलातील अधिकारी व अंमलदार यांनी सतत उल्लेखनीय व प्रशासकीय कामगिरी करावी म्हणून प्रत्येक महिन्यात पोलीस अधिकारी व अंमलदार यांनी केलेल्या कामगिरी नुसार विविध विभागातून उत्कृष्ट व कौतुकास्पद कामगिरी केलेल्या अधिकारी व अंमलदार यांचा गौरव करण्यात येत आहे. यामध्ये माहे ऑगस्ट 2023 मध्ये विविध विभागात उल्लेखनीय कामगिरी केलेल्या अधिकारी व अंमलदार यांची निवड करण्यात आली आहे. यामध्ये
गुन्हे उघड – यामध्ये स्थानिक गुन्हे शाखा येथे कार्यरत ग्रामीण डिव्हिजन पथकातील अधिकारी व अंमलदार यांनी माहे ऑगस्ट 2023 मध्ये नरसी नामदेव पोलीस ठाणे येथे भादंवि कलम 454, 380 चा गुन्हा अवघ्या 24 तासात उघड करून गुन्ह्यात चोरीला गेलेला संपूर्ण मुद्देमाल एक लाख 85 हजार रुपये हस्तगत केला. तसेच नमूद तपास पथकाने सदर महिन्यात जबरी चोरी, घरफोडी व चोरी या प्रकरणातील 8 गुन्हे उघड करून उत्कृष्ट कामगिरी केली. त्यामुळे या महिन्यात गुड डिटेक्शन या विभागात पथकातील सहाय्यक पोलीस निरीक्षक राजेश मलपिल्लू, पोलीस अंमलदार गजानन पोकळे लिंबाजी वाहुळे, ज्ञानेश्वर पायघन, विठ्ठल काळे व हरिभाऊ गुंजकर यांची निवड करण्यात आली आहे.
गुन्हे निर्गती – यामध्ये औंढा नागनाथ पोलीस ठाणे येथे माहे ऑगस्ट 2023 मध्ये एकूण गुन्हे 293 पैकी 174 गुन्ह्यांची निर्गती केली ज्याची टक्केवारी 59 टक्के आहे. गुन्हे निर्गती विभागात औंढा नागनाथ पोलीस ठाणे यांनी माहे ऑगस्ट 2023 मध्ये उत्कृष्ट कामगिरी केली. त्यामुळे नमूद महिन्यात गुन्हे निर्गती या विभागात औंढा नागनाथ पोलीस ठाणे पोलीस निरीक्षक गणेश राहिरे व पोलिस अंमलदार पंजाबराव थिटे यांची निवड करण्यात आली आहे.
मुद्देमाल निर्गती – यामध्ये नरसी नामदेव पोलीस ठाणे यांनी आहे. ऑगस्ट 2023 मध्ये पोलीस ठाण्याला विविध गुन्ह्यात जप्त मुद्देमाला पैकी 10,16 मुद्देमाल निर्गती केली त्यामुळे नमूद महिन्यात मुद्देमाल निर्गती या विभागात नरसी नामदेव पोलीस ठाणे सहाय्यक पोलीस निरीक्षक अरुण नागरे व पोलीस अंमलदार इरफान शेख यांची निवड करण्यात आली आहे.
अपराध सिद्धी – यामध्ये औंढा नागनाथ पोलीस ठाणे यांनी माहे ऑगस्ट 2023 मध्ये त्यांच्या पोलिस ठाणे अंतर्गत न्यायालयातून निकाल लागलेल्या सर्व प्रकारात शिक्षा झाली असूनही अपराध शिक्षेचे प्रमाण शंभर टक्के आहे. यामुळे नमूद महिन्यात अपराध सिद्धी या विभागात औंढा नागनाथ पोलीस ठाणे पोलीस निरीक्षक गणेश राहिले व पोलिस अंमलदार गडदे यांची निवड करण्यात आली आहे.
सीसीटीएनएस डाटा एन्ट्री – यामध्ये औंढा नागनाथ पोलीस ठाणे यांनी माहे ऑगस्ट 2023 मध्ये डाटा एन्ट्री प्रकारात पुण्यातील कागदपत्र जलद गतीने व यशस्वीरित्या भरले. त्याचे प्रमाण 78% आहे. यामुळे नमूद महिन्यात अपराध सिद्धी या विभागात पोलीस स्टेशन औंढा नागनाथ पोलीस निरीक्षक गणेश राहिरे, सहाय्यक पोलीस निरीक्षक रामदास निरदोडे व पोलीस अंमलदार केतन तायडे, तानाजी ढाकरे, सय्यद मजीद यांची निवड करण्यात आली आहे.
समन्स वॉरंट बजावणी – यामध्ये हट्टा पोलीस ठाणे यांनी माहे ऑगस्ट 2023 मध्ये समन्स वॉरंट बजावणी यात अजमीनपात्र वॉरंट बजावणी 99%, जामीनपात्र वॉरंट 98%, समन्स 98% बजावणी केली आहेत. यामुळे नमूद महिन्यात समन्स वॉरंट बजावणी या विभागात हट्टा पोलीस ठाणे सहाय्यक पोलीस निरीक्षक गजानन बोराटे व पोलीस अंमलदार कावरखे यांची निवड करण्यात आली आहे.
मालमत्ता हस्तगत – यामध्ये स्थानिक गुन्हे शाखेच्या पथकांची माहे ऑगस्ट 2024 मध्ये जबरी चोरी, घरफोडी, चोरीच्या विविध गुन्ह्यातील चोरीस गेलेला मुद्देमाला पैकी 11 लाख 79 हजार 540 रुपयांचा मुद्देमाला हस्तगत केला. यामुळे नमूद महिन्यात मालमत्ता हस्तगत या विभागात स्थानिक गुन्हे शाखेचे पोलीस निरीक्षक पंडित कचवे, सहाय्यक पोलीस निरीक्षक राजेश मलपिल्लू, सहाय्यक पोलीस निरीक्षक शिवसांब घेवारे, पोलीस उपनिरीक्षक विक्रम विठूबोने यांची निवड करण्यात आली आहे.
प्रतिबंधक कार्यवाही – यामध्ये गुन्ह्यांना प्रतिबंध व्हावा व गुन्हेगारांवर वचक राहावी म्हणून हिंगोली शहर पोलीस ठाणे यांनी माहे ऑगस्ट 2023 मध्ये एमपीडीए कार्यवाहीत हद्दपार कलम 55 व 56 महाराष्ट्र पोलीस कायदा यात सहा कार्यवाही केली. यामुळे नमूद महिन्यात प्रतिबंधक कार्यवाही या विभागात हिंगोली शहर पोलीस ठाण्याचे पोलीस निरीक्षक विकास पाटील, पोलीस उपनिरीक्षक आगलावे व पोलीस अंमलदार घुगे यांची निवड करण्यात आली आहे.
वरील प्रमाणे पोलीस अधीक्षक जी. श्रीधर यांच्या मार्गदर्शनाखाली जिल्हा पोलीस दलात विविध विभागात उत्कृष्ट व कौतुकास्पद कामगिरी करणाऱ्या अधिकारी व अंमलदार यांची विभाग निहाय निवड करण्यात आली आहे. त्यांचे छायाचित्र असलेले बॅनर पोलीस अधीक्षक कार्यालयाच्या दर्शनी भागावर लावण्यात आले आहे.
जिल्हा पोलीस अधीक्षक जी. श्रीधर व अप्पर पोलीस अधीक्षक अर्चना पाटील यांनी कामगिरी केलेल्या सर्व अधिकारी व अंमलदार यांचे अभिनंदन केले आहे.
