मार्मिक महाराष्ट्र न्यूज नेटवर्क / संतोष अवचार :-
हिंगोली – जिल्ह्याचे डॅशिंग पोलीस अधीक्षक जी. श्रीधर यांच्या आदेशाने गुन्हे प्रतिबंध व गुन्हेगारांवर वचक राहावा म्हणून विशेष कोंबिंग ऑपरेशन तसेच प्रतिबंधक कार्यवाही व अवैध धंद्याविरोधात विशेष कार्यवाहीची मोहीम राबविली जात आहे.
त्याच सोबत जिल्हा पोलीस अधीक्षक यांच्या आदेशाने व मार्गदर्शनात प्रत्येक आठवड्यात प्रलंबित न्यायालयीन प्रकरणांचा लवकरात लवकर निपटारा व्हावा, न्यायालयात साक्षीदार व आरोपी हे वेळेवर समन्स व वॉरंट नुसार वेळेवर हजर व्हावे या उद्देशाने विशेष मोहीम राबविण्यात येत आहे.
30 नोव्हेंबर रोजी जिल्हा पोलीस अधीक्षक जी. श्रीधर यांच्या आदेशाने व उपविभागीय पोलीस अधिकारी हिंगोली ग्रामीण विवेकानंद वाखारे, वसमत उपविभागीय पोलीस अधिकारी किशोर कांबळे यांच्या मार्गदर्शनात आज रोजी जिल्ह्यातील सर्वच पोलीस ठाणे अंतर्गत अजामीन पात्र जामीन पात्र वॉरंट, पोटगी वॉरंट बाबत विशेष मोहीम घेण्यात आली.
सदर मोहिमेत जिल्ह्यातील सर्व पोलीस स्टेशनचे प्रभारी अधिकारी व दुय्यम अधिकारी तसेच अंमलदार सहभागी झाले होते.
सदर मोहिमेत विशेष कामगिरी करताना पोलिसांनी न्यायालयाकडून अनेक वेळा समान निघूनही तारखेवर न्यायालयात हजर न राहणाऱ्या व ज्यांच्या बाबत न्यायालयाकडून अटक वॉरंट निघाले होते अशा एकूण 62 अटक वारांची अंमलबजावणी करण्यात आली.
त्यातील इसमांना पकडून न्यायालया समक्ष हजर करण्यात आले तर 3 पोटगी वॉरंटमधील इसमांना पकडून न्यायालया समक्ष हजर करण्यात आले.
तसेच सदर मोहिमेत न्यायालयाकडून प्राप्त जामीन पात्र अशा 95 वाऱ्यांची संबंधितांना बजावणी करण्यात आली.
