मार्मिक महाराष्ट्र न्यूज नेटवर्क / प्रतिनिधी :-
हिंगोली – सेनगाव तालुक्यातील शेगाव खोडके येथील सतत गुन्हे करणाऱ्या व ग्रामस्थांच्या जीवितास धोका उद्भवणाऱ्य दोघांना हिंगोली चे डॅशिंग पोलीस अधीक्षक जी. श्रीधर यांनी एका वर्षासाठी हिंगोली जिल्ह्यातून हद्दपार केले आहे.
हिंगोलीचे डॅशिंग पोलीस अधीक्षक जी. श्रीधर यांनी जिल्ह्याचा पदभार स्वीकारताच जिल्ह्यातील सराईत गुन्हेगार व अवैध धंदे चालविणाऱ्या विरुद्ध तसेच टोळीने गुन्हेगारी कृत्य करणाऱ्या विरुद्ध कठोर कार्यवाहीची भूमिका घेऊन असे गुन्हे सतत करणाऱ्या विरुद्ध प्रभावी प्रतिबंधक कार्यवाही केली जात आहे.
हिंगोलीचे डॅशिंग पोलीस अधीक्षक जी. श्रीधर यांनी आज रोजी गोरेगाव येथील राहणारे सराईत गुन्हेगार नामे शिवाजी वामन नागरे (वय 45 वर्ष) व शुभम शिवाजी नागरे (वय 18 वर्ष) दोन्ही रा. शेगाव खोडके, ता. सेनगाव जि. हिंगोली यांच्या विरुद्ध गोरेगाव पोलीस ठाण्यात शरीराविरुद्धचे दोन गुन्हे दाखल असून सतत संघटितपणे गुन्हे करतच आहेत व त्यांच्या वर्तनात कोणताही बदल होत नसल्याने त्यांच्या अशा गुन्हेगारी प्रवृत्ती व हालचालींमुळे परिसरातील ग्रामस्थांच्या जीवितास धोका उत्पन्न होत असल्याने पोलीस अधीक्षक यांनी सदर प्रकरणी कठोर प्रतिबंधक कार्यवाही बाबत आदेश दिले.
यावरून गोरेगाव पोलीस ठाण्याच्या सहाय्यक पोलीस निरीक्षक श्रीदेवी पाटील यांनी नमूद आरोपींविरुद्ध कलम 55 महाराष्ट्र पोलीस कायदा अन्वय हद्दपारचा प्रस्ताव सादर केला होता.
सदर प्रस्तावाची चौकशी उपविभागीय पोलिस अधिकारी उपविभाग हिंगोली ग्रामीण विवेकानंद वाखारे यांनी सविस्तर चौकशी करून नमूद आरोपींच्या टोळीस हिंगोली जिल्ह्यातून हद्दपार करण्याबाबत पोलीस अधीक्षक यांच्याकडे शिफारस केली होती.
त्यावरून या प्रकरणी सविस्तर तपासणी करून पोलीस अधीक्षक जी. श्रीधर यांनी त्यांना प्राप्त महाराष्ट्र पोलीस अधिनियम कलम 55 अन्वये नमूद आरोपींना आज पासून पुढील एका वर्षासाठी हिंगोली जिल्ह्यातून हद्दपार केले असून याबाबत आदेश काढले आहेत.
हिंगोलीचे डॅशिंग पोलिस अधीक्षक जी. श्रीधर यांनी समाजात शांतता नांदावी म्हणून सराईत गुन्हेगारांची माहिती घेऊन त्यांच्याबाबत कोंबिंग व ऑल आऊट ऑपरेशन मधून त्यांची नियमित तपासणी तसेच त्यांच्या बाबत कठोर प्रतिबंधक कार्यवाही करत आहेत.
